logo

अब चुनाव जित्छु, पहिले मन जितेँ, रहवर अन्सारी

    917   पटक पढिएको

वीरगञ्ज  २१ कात्तिक – स्थानीय तह चुनावको तेश्रो तथा अन्तिम चरणमा भएको प्रदेश नम्बर २ को चुनावमा वीरगञ्ज महानगरपालिकाको मेयरमा उम्मेदवार बनेर चर्चा कमाएका रहबर अन्सारी फेरि प्रदेशसभा चुनावमा क्षेत्र १ को ‘क’ मा माओवादी केन्द्रबाट वाम गठबन्धनको उम्मेदवार बनेका छन् । 
२०४३ सालमा काठमाडौंमा जन्मिएका ३१ वर्षका रहबर युवाहरुमा लोकप्रिय छन् । अन्सारीका बुवा एई अन्सारी सरकारी डाक्टर थिए । काठमाडौंमा जन्मेका अन्सारी बुवाको सरुवा जताजता भयो त्यतै त्यतै गएर पढे । काठमाडौंको ग्यालेक्सी स्कुलबाट एसएलसी पास गरेपछि उनी पढ्न नयाँ दिल्ली गए । दिल्लीबाट कमर्समा प्लस टु सकेका उनले भारतको पुनाबाट बिबिएको पढाइ सके । स्नातकको पढाइ सकिएपछि नेपाल फर्केर भरतपुरको मेडिकल कलेजमा काम गरे । डेढ वर्ष जति त्यहाँ काम गरेपछि आफैले वीरगञ्जमा गण्डक अस्पताल सुरु गरे । 
विश्वका २० हजार युवाहरुबीचको प्रतिस्पर्धाबाट छनोट भएर हंगेरीको बुडापेष्टमा अध्ययन गर्न गए । त्यहाँको सेन्ट्रल युरोपियन युनिभर्सिटीबाट सार्वजनिक नीति र शासन प्रणालीमा भर्खरै मात्र स्नातकोत्तरको परीक्षा सकेर आएका उनी वीरगञ्ज महानगरपालिकाको मेयरमा चुनाव लडेका थिए । 
पछिल्लो समय युवामाझ चर्चामा रहेका रहबर अन्सारी अहिले प्रदेशसभा सदस्यका लागि उम्मेदवार बनेका छन् । मेयरको चुनावमा ८ हजार ३ सय ५ मत ल्याएका अन्सारी पर्साको निर्वाचन क्षेत्र नम्बर १ को ‘क’ बाट प्रदेश सभा सदस्यको उम्मेदवार भएका हुन् । वीरगञ्ज महानगरपालिकामा मेयरमा उठेर चर्चामा आएका उनलाई चाहेर पनि मतदाताहरुले जिताउन सकेनन् । उनको शालिन स्वभाव, मिजासिलो व्यवहार, आकर्षक व्यक्तित्वका साथै तार्किक भाषणले पनि सबैको मनमा उनी बसेका छन् ।
वीरगञ्जका मतदाताहरुको मन जित्न सके पनि उनले चुनाव जितेनन तर जति मतदाताले उनलाई मत दिए त्यसको आधारमा वीरगंजमा आफ्नो आवश्यकता नागरिकले महशुस गरेकोे उनको निष्कर्ष निकालेका छन् । उनले वीरगंजको जे समस्या देखेका छन्, नागरिकले पनि त्यही देखेको उनलाई लागेको छ । समस्या समाधानको लागि उनले जे गर्न खोजेका छन्, नागरिकले पनि त्यही गर्न खाजेको जस्तो उनलाई लागेको छ । नागरिकको जोड र बल समस्या समाधान गर्ने तहमा आफूलाई पु¥याउन सक्रिय रहेको उनको अनुभूति छ । महानगरको मेयरमा प्रत्यासी रहेका अन्सारी प्रदेश सभाको उम्मेदवार बन्न इच्छुक चाँही थिएनन् । तर पार्टीले यो जिम्मेवारीमा जान निर्देशित गरे पछि आफू चुनावी मैदानमा उत्रिएको अन्सारीको भनाई छ । पर्सा जिल्ला प्रदेश नम्बर २ को लागि एउटा महत्वपूर्ण भूमिका खेल्ने र निर्णायक शक्तिको रुपमा रहने भएकोले आफू संबेनशील रहेको उनको भनाई छ । आफूलाई दुईरदुई पटक अवसर दिएकोमा पार्टीलाई आभार ब्यक्त गरेका छन् । ‘पर्सा एउटा ऐतिहासिक जिल्ला पनि हो । यति हुँदाहुँदै पनि पर्सा निकै पछाडि परेको छ । यसको पहिचान, यहाँको विषयवस्तुहरुलाई समेट्नका लागि पनि यहाँको सबल, शिक्षित र सक्षम प्रतिनिधित्वको खाँचो देखँे । त्यसैले मैले फेरि उम्मेदवारी दिएको हुँ’ उनले भनाई छ ।
यस्तो छ स्थिति
निर्वाचन क्षेत्र नं १ को प्रदेश सभाका ‘क’ मा वीरगंज महानगरका १० वटा वडा रहेका छन् । यसमा रहवर अन्सारीको वडासमेत रहेको छ । स्थानीय तहको चुनावको परिणामलाई हेर्ने हो भने एमाले माओवादी गठबन्धन झिनो मतले अगाडि देखिन्छ । महानगरका वडाध्यक्षले प्राप्त गरेको मतलाई आधार मानेर हेर्दा एमाले माओवादी गठबन्धनले ६ हजार ४ सय ९५ मत प्राप्त गरेको देखिन्छ । नेपाली कांग्रेसले ५ हजार ९ सय ७३ मत प्राप्त गरेको छ । संघीय समाजवादी फोरम नेपालले ५ हजार ९ सय २४ मत प्राप्त गरेको देखिन्छ । राजपा र संघीय समाजवादी फोरमको गठबन्धको मत जोड्दा ८ हजार हुने देखिन्छ । तर राजपामा आएको फुट बिभाजन र राजीनामाले गर्दा त्यो भोट फोरममा जाने आधार कमजोर देखिन्छ । त्यसमाथि अन्सारी परिचित र चर्चित उम्मेदवार हुन । उनी जति चर्चित उम्मेदवार अरुपार्टीले दिन सकेका छैनन् । थोरै मतदाता वाम गठबन्धनले आम कार्यकर्ता पंक्तिमा ल्याएको उत्साह र समग्रमा क्षेत्रको विकासका निम्ति अगाडि सारेको एजेण्डाका आधारमा उनी चुनाव जितिनेमा ढुक्क छन् ।
मतदातासँग गरेको भेटघाट तथा छलफल र अन्तरक्रियाले पनि आफूलाई थप अनुभव प्राप्त भएको बताउने अन्सारी अहिले कम मतदाताको बीचमा बढी समय छलफल र अन्तरक्रिया गर्न पाउने भएकोले सहज हुने बुझाईमा छन् । ‘मतदाताहरुले जुन सहानुभूति देखाउनु भएको थियो त्यसलाई अब व्यवहारमा लागू गर्नको लागि पनि एउटा अवसर आएको छ’ रहबरको भनाई छ, ‘यीनै कुराहरुले मलाई अझ हौसला बढाएकोले नै मैले जितेको नागरिकको मनबाट मत पाएर जित्न सक्छु भन्ने लाग्छ ।’
योजना बनाएर लागे
आजको युवा पुस्ताका निम्ति “आइडल” बनेका अन्सारी राजनीतिक, सामाजिक, आर्थिक तथा सांस्कृतिक समस्याहरु हल गर्ने आफ्नो महत्वपूर्ण भूमिका रहने सुनाउँछन् । रोजगारी सृजनाका लागि वातावरणको निर्माण, लगानीकर्ताहरुको लागि अनुकुल वतावरण, पर्यटकीय गन्तब्य केन्द्रको विकास, कृषिको आधुनिकीकरण, कृषि पेशामा ब्यवसायीकरणमा ध्यान दिने खाका बनाएका छन् । श्रमलाई सम्मान गर्ने संस्कृतिको विकास अर्को योजना हो । आजको युवापुस्तालाई समाज र राष्ट्रका निम्ति जिम्मेवार बन्न प्रेरीत गर्ने अभिष्ट लिएका छन् । स्वास्थ्य, शिक्षा, रोजगारको ग्यारेण्टी तथा मुख्य गरी कृषि, धार्मिक पर्यटनको विकास तथा वेरोजगार यूवाहरुको लागि रोजगारी सृजना गर्न सीपमूलक तथा दक्षता अभिवृद्धि लगायतका विषयहरुमा देखिएका नीतिगत कुराहरुको समाधानका लागि नीति निर्माणको तहबाट वातावरण बनाउन लागि पर्ने प्रतिवद्धता जनाएका छन् ।  आफ्नो क्षमता र अनुभवहरुलाई सकारात्मक र विवेकपूर्ण ढंगबाट प्रयोग गरी प्रदेश नम्बर २ को नमूना जिल्लाको रुपमा पर्सालाई स्थापित गर्ने कुरा उनको प्रथामिकतामा रहेको छ  ।
अन्सारीलाई कतिपयले राजनीतिमा “अपरिपक्कव” भने टिप्पणी गर्छन् । राजनीतिमा वर्षौं ब्यतित गरेकाहरुले यसो भन्नु अनौठो होइन तर अलिकति जान्ने सुन्ने ठान्ने उनीभन्दा अलि पाको  उमेर समूहकाको मत पनि यस्तै पाइन्छ । तर अन्सारीको यसमा खरो टिप्पणी छ यस्ता कुरा गर्नेहरु सबै विकास र समृद्धिका विरोधी हुन्  । ‘राजनीतिमा उमेर पुगेकाहरु मात्रै लाग्नुपर्छ भन्ने हाम्रो गलत संस्कारले हाम्रो मानसिकतामा डेरा जमाएको छ’ उनको बुझाई ५, ‘जबसम्म पुरानो सोच र मानसिकता राखेर राजनीति गरिन्छ त्यो सधैं यथास्थितिमा रहन्छ । राजनीतिका पुराना खेलाडी भन्ने दिनहरु गए । अबको समय युवाको हो । पुराना राजनीतिक खेलाडी भन्नेहरुले युवाहरुलाई झोला बोकाउने काम मात्रै गरे । आधुनिक युगमा युवा नेताका झोला बोक्न होइन देशको जिम्मेवारी बोक्न हो ।’ परिपक्ववता होइन राजनीतिमा संस्कार हुन जरुरी रहेको उनको भनाई छ । राजनीतिका नाममा अपराध र अराजकतालाई उन्मुक्ति दिने कुरा ठिक होइन । राजनीतिमा सबै कुरा जायज हुन्छ भन्दै अनुत्तरदायी काम गर्ने कुराको छुट कसैले पाउनु हुँदैन भन्ने धारणा उनमा बलियो छ ।  
देशमा स्थायी सरकार निर्माणका लागि निर्माण गरिएको वाम गठबन्धनप्रति नेपाली कांग्रेस लगायतका पार्टीहरुले “अधिनायकवादी” को आरोप लगाएकोलाई उनले अर्थ नभइको बताए । ‘सरकार त वामपन्थीले बनाउने भन्ने लागिसक्यो त्यही भएर प्रजातान्त्रिक गठबन्धनमा रहेकाले “प्रतिक्रियात्मक” कुरा गरेका हुन् । वाम गठबन्धलाई अधिनायकवादसँग कुनै त्यस्तो मोहमाया छैन । भ्रम पाल्ने र छर्ने काम नगरेको बेस’ उनले सुनाए । उज्यालो अनलाईमा खवर छ । 

तपाईं हामीसंग फेसबुकट्वीटर मार्फत् पनि जोडिन सक्नुहुन्छ ।

तपाईको प्रतिक्रिया

राजनीति

प्रधानमन्त्रीको युरोप भ्रमण , आइएलओको विशेष समारोहलाई सम्बोधन गर्ने 

काठमाडौं, २५ जेठ । प्रधानमन्त्री केपी शर्मा ओली आपसी सम्बन्ध थप सुदृढ बनाउन र नेपालले अहिले लिइरहेको समृद्धिको बाटोबारे अवगत गराउन युरोपेली देशका तीन मुलुकको औपचारिक भ्रमणका लागि शनिबार साँझ त्यसतर्फ प्रस्थान गर्दै हुनुहुन्छ । छिमेकी मुलुकसँगको सम्बन्धमा बढी केन्द्रित भइरहेको नेपालको वैदेशिक नीति र सम्बन्धलाई त्यसभन्दा बाहिरसम्म फैलाउने नेपाल सरकारको नीतिअनुसार प्रधानमन्त्री ओली युरोपेली मुलुकतर्फ जान लाग्नुभएको हो । संयुक्त राष्ट्र सङ्घका स्थायी सदस्य बेलायत र फ्रान्समा नेपालका तर्फबाट लामो अवधिपछि हुन लागेको यो उच्चस्तरीय औपचारिक भ्रमणको विशेष महत्व हुनेछ । प्रधानमन्त्री ओलीले यही जेठ ३२ गतेसम्म स्विट्जरल्याण्ड, बेलायत र फ्रान्सको औपचारिक भ्रमण गर्नुहुनेछ ।

प्रजातन्त्र देखि गणतन्त्र सम्म ल्याउनमा काग्रेस पार्टीको सबैभन्दा ठुलो भुमिका, पुर्वमन्त्री मंसुर

सन्जिव छतकुली  बीरगंज १५ जेष्ठ नेपाली काग्रेस पर्साले गणतन्त्र दिवसको अवसरमा आज बीरगंजमा  प्रभात फेरी निकालेकाछन  । 

नेकपामा ६६ जिल्लाको भागबण्डा मिल्यो, प्रदेश नम्बर २ को सप्तरी, धनुषा, सर्लाही र पर्सा एमालेले पाउने 

काठमाडौं, ६ भाद्र । नेपाल कम्युनिस्ट पार्टी नेकपाका ६६ जिल्लाको नेतृत्व सर्वसम्मत रुपमा बाँडफाँट भएको छ ।

विहानै देशभर बम आतंक , स्कुल बसमा आगजनी, सुरक्षा व्यवस्था कडा, तर्साउन राखिएको हो आत्तिनु पर्दैन – प्रहरी, 

काठमाडौं, २९ साउन । विप्लव नेतृत्वको नेपाल कम्युनिष्ट पार्टीले आह्वान गरेको नेपाल बन्दको क्रममा मकवानपुरको टिष्टुङमा स्कुल बसमा आगजनी भएको छ।  

आर्टिकल

यस्तो लापरवाही किन 

अजय प्रजापति वीरगंज, ४ भदौ ।  दुई नम्बर प्रदेश हेपुवा र चेपुकामा परेको प्रदेशको रुपमा हेर्न थालिएको छ । 

इद मुवारक 

शारदा शर्मा,  बजार कटेर डाँडामा पुगेपछि हामीले बिहे गर्ने निर्णय गर्यौ । म बाहुनकी छोरी उनी मुसलमान । धेरै पछिमात्र थर थाहा भयो । हाम्रो गाउँको अलि माथिल्लो पट्टी उनीहरूका लस्करै घरहरु थिए । उनका भाउजुहरु गाउँमा चुरा लिएर बेच्न पनि हिड्थे रे हजुरआमाले सुनाउनु हुन्थ्यो । बा सरकारी जागिरे भएकोले म सदरमुकाममा नै हुर्के । सानै छदा मेरो उनीसंग भेटभएको थियो ।

खेलकुद

४२ किलोमिटर म्याराथान प्रतियोगिता दौडको उपाधीमा सेनाको कव्जा 

कृष्णा यादव  बीरगन्ज १७ फागुन  बीरगन्जमा म्याराथान प्रतियोगिताको उपाधी त्रिभुवन आर्मी क्लबका खगेन्द्र बहादुर भाट्ले जितेका छन् ।  नेपाली सेनाले सेना दिवसको उपलक्ष्यमा वीरगन्जमा आयोजना गरेको ‘एकताको लागि ४२ किलो मिटर म्याराथान दौड प्रतियोगितामा  प्रथम उपाधी त्रिभुवन आर्मी क्लबका भाट्ले जित्न सफल भएका हुन ।  त्यसैगरी दोस्रो स्थान र तेस्रो स्थानमा पनी त्रिभुवन आर्मी क्लवका नेपाली सेनाले नै हात पार्न सफल भएका छन । 

चपुरलाई हराउदै हेटौडा फुटबल एकेडेमी प्रथम पर्सा गोल्डकपको फाइनलमा प्रबेश

बीरगंज १० फागुन पर्सागढी नेपाल खेलकुद क्लव चपुरलाई हराउदै हेटौडा फुटबल एकेडेमी प्रथम पर्सा गोल्डकपको फाइनलमा प्रबेश गरेको छ । पर्सागढी युवा स्पोर्टस क्लबको आयोजनामा पर्साको बढनिहारमा जारी खेलमा चपुरलाई ० का बिरुद्ध ३ गोल गर्दै हेटौडा फाइनलमा प्रबेश गरेको हो । खेलको सुरुबाती दोस्रो मिनेटमा नै हेटौडाका तारा नेगीले पहिलो गोल गरे  । खेलको २४ औ मिनेटमा फ्री किकलाई सदुपयोग गर्दै  हेटौडाका सन्तोष चौधरीले अर्को गोल थपे ।

सप्तरीले गरयो फाइनल यात्रा सुरक्षित

कृष्णा यादव  वीरगन्ज,२२ माघ ।  वीरगञ्जमा जारी प्रदेश स्तरीय फुटबल प्रतियोगिताको सप्तरी जिल्ला फुटबल संघ फाइनल समिकरण पूरा गरेको छ ।   जिपी कोइराला फाउण्डेशन पर्साले वीरगञ्जमा शनिबारबाट सुरु गरेको प्रथम गिरिजा प्रसाद कोईराला नकआउट फुटवल प्रतियोगिता अन्तर्गत सिराहालाई २–१ गोलको अन्तरले हराएर सप्तरी जिल्ला फुटबल संघ विजयी भएको छ ।

बीरगंजमा जीपी कोईराला कप फूटबलमा धनुषाको विजयी सुरुवात  

कृष्णा यादव  वीरगन्ज, १९ माघ ।  वीरगन्जमा शनिबारदेखि शुरु भएको जीपी कप पूmटबल प्रतियोगितामा धनुषाले विजयी सुरुवात गरेको छ ।  गिरिजा प्रसाद कोईराला फाउण्डेशन पर्साले बीरगंजमा पहिलोपटक आयोजना गरेको प्रदेश २ स्तरीय पूmटबल प्रतियोगिताको उदघाटन खेलमा पर्सालाई पराजित गरी धनुषा विजयी भएको हो । धनुषाका जर्सी नम्बर १७ का प्रमोद यादवले खेलको पहिलो हाफको २८ मिनेटमा गोल गरेपछि घरेलु मैदानमा पर्साको टिम भन्दा एक गोलले अगाडी भएको थियो ।
Managing Director

S.B. Chhetri

Publisher

S​hekhar Chhatakuli ​

+977-9855021221​

info@birgunjdaily.com

Chief Editor

Santosh Kumar Jha

051-522178

info@birgunjdaily.com

Advertisement

Dinesh Gupta

+977-9845427558

marketing@birgunjdaily.com

Contact Us

​New Birgunj Media Pvt. Ltd. ​ Om Asaram 11,
Shreepur, Birgunj Parsa​, Nepal

+977-9855021221​

info@birgunjdaily.com


© 2017 birgunjdaily.com.

Design and Development by Cyberlink Pvt. Ltd.