एस वी क्षेत्री
बीरगंज २२ कात्र्तिक
मंसिर ४ गते हुने प्रतिनिधी सभा र प्रदेश सभाको निर्वाचनका लागी बिभिन्न पार्टीका साझा उम्मेदवारहरु घरदैलो र रात्री कोण सभालाई तिब्रता दिई रहेकाछन ।
पर्सा क्षेत्र नम्बर २ को ख मा प्रदेश सभाको उम्मेदवारमा करिव आधा दर्जन भन्दा बढी गठबन्धन र स्वतन्त्र गरी उम्मेदवारी दर्ता गराएकाछन ।
पर्सा क्षेत्र नम्बर २ को ख मा प्रदेश सभामा नेपाली काग्रेस र लोसपाका साझा उम्मेदवार रमेश प्रसाद कुर्मी जसपा र नेकपा एमालेका साझा उम्मेदवार हरेराम प्रसाद पटेल रहेकाछन भने स्वतन्त्र उम्मेदवारहरुमा, रुपेशमान सिंह उर्फ रुपु, मुकेश दुवेदी र अर्का स्वतन्त्र उम्मेदवार करिमा बेगम लगायत करिव आधा दर्जन भन्दा बढीले आफनो उम्मेदवारी दिएकाछन ।
क्षेत्र नम्बर २ को ख मा प्रदेश सभाका उम्मेदवार रुपेशमान सिंह उर्फ रुपु बीरगंज माहानगरपालिकाका मेयर राजेश मान सिंहका भतिजा हुन । यस भन्दा पहिला रुपेश स्थानिय निर्वाचनमा जसपा पार्टीमा थिए ।
मंसिर ४ गते हुने निर्वाचनमा रुपेशलाई जसपाले टिकट नदिएको कारण उनी स्वतन्त्रबाट आफनो उम्मेदवारी दिएका हुन ।
उम्मेदवार रुपेश मान सिंहको बिगत केही बर्ष पहिला देखी ठेक्का पट्टा उनको ब्यवसायी रहेको छ । प्रदेश नम्बर २ को ख मा जम्मा ११ वटा वार्ड मध्ये माहानगरमा १, ३, ६, ९, र १० वटा वार्ड गरी जम्मा ५ वटा वार्ड नगरमा परेको हुनाले बाकी अरु वार्डबाट पनी मतदाताहरुले आफलाई नै भोट दिने भएकोले आफु जित्ने रुपेश मान सिंहको दावी र विश्वास रहेको छ ।
रुपेशमान सिंह पहिलो पटक प्रदेश सभा सदस्यका उम्मेदवार बन्दैछन ।
पर्सा क्षेत्र नम्बर २ को ख मा प्रदेश सभामा उम्मेदवारी दर्ता गराउनेमा नेपाली काग्रेस र लोक्तान्त्रिक समाजवादी पार्टीका उम्मेदवारका रुपमा रहेका रमेश कुमार कुर्मी २०७४ सालको निर्वाचनमा पर्सा क्षेत्र नम्बर २ कै ख बाट निर्वाचित भएका थिए भने अहिले उनी काग्रेस संग गठबन्धन गरी यही क्षेत्रबाट आफनो उम्मेदवारी दिएकाछन ।
अहिले कुर्मी पहिलो स्थानको दौरमा छन । कुर्मी २०७४ सालमा लोसपाबाट निर्वाचित भएपछी उनले आफनो क्षेत्रमा रहेको विमनपा वडा नम्बर १७ अलौ, वडा नम्बर २६ सुगौली, वडा नम्बर २५ श्रीसिया, वडा नम्बर २४ रामगढवा लगायतका वार्डहरुमा सडक नाला बाटोहरु स्कुल, धर्मशाला, स्वास्थय चौकी, मंदिर, मस्जिद लगायतका बिकाशका कामहरु प्रदेश सरकारले दिएको आफनो बजेटबाट थुप्रै कामहरु गरेको कारणले यस क्षेत्रका जनताले आफुलाइ जिताउने कुर्मीको दावी रहेको छ ।
कुर्मी विमनपा वडा नम्बर २५ श्रीसिया निवासी हुन ।
त्यसैगरी पर्सा क्षेत्र नम्बर २ को ख मा प्रदेश सभाका नेकपा एमाले र जसपाका साझा उम्मेदवार एमालेका हरेराम प्रसाद पटेल पहिलो पटक प्रदेश सभा सदस्यका उम्मेदवार हुन । पटेल बीरगंज माहानगरपालिका वडा नम्बर १७ निवासी हुन ।
पटेल लाली गुराश सहकारीका संचालक तथा अध्यक्ष हुन । पटेल पहिलो पटक प्रदेश सभा सदस्य उम्मेदवार बन्दैछन भने एमालेको जसपा संग गठबन्धन भएकै कारण आफुले विजयी हुने दावी उनको रहेको छ ।
पर्सा क्षेत्र नम्बर २ को ख मा प्रदेश सभाका उम्मेदवार करिमा बेगम २०६३÷०६४ को पहिलो मधेश आन्दोलनबाट नेतृत्व गरेकी महिला नेतृ हुन । २०६४ सालको पहिलो संविधान सभाको निर्वाचनमा पर्साको क्षेत्र नम्बर १ बाट नेपाली काग्रेसका राजेन्द्र बहादुर अमात्यलाई हराएर निर्वाचित भएकी थिईन ।
त्यस पछी वेगम कृषी राज्यमंत्री समेत भएकी थिईन भने २०७० सालको दोस्रो संविधान सभाको निर्वाचनमा नेपाली काग्रेसका राजेन्द्र बहादुर अमात्य संग करिमा वेगम भारी मतले पराजित भएकी थिईन । वेगम २०७४ सालको प्रदेस सभाको निर्वाचन पछी प्रदेश सभाको समानुपातिकबाट सांसद वनेकी थिईन ।
वेगम मधेश आन्दोलनमा महिलाको तर्फबाट अग्रिम भुमिका निर्वाह गर्दै २०७२ सालको मधेश आन्दोलनमा समेत अहम भुमिका रहेको जानकारहरु बताउछन ।
वेगमको पर्सा जिल्लाको १ र २ नम्बर क्षेत्रमा महिलाहरु संग राम्रो सम्बन्ध रहेको कारण र पर्सा क्षेत्र नम्बर २ को ख मा प्रदेश सभा सदस्य हुदा आफनो क्षेत्रमा बिकास राम्रै गरेको कारण यसपाली पनी सो क्षेत्रका जनताहरुले आफुलाई नै बिजयी गराउने वेगमको दावी रहेको छ ।
पर्सा क्षेत्र नम्बर २ को ख मा प्रदेश सभा सदस्यका स्वतन्त्र उम्मेदवार मुकेश दुवेदी बिधार्थी काल देखी नेपाली काग्रेसको भातृ संगठन नेपाल बिधार्थी संगबाट आफनो राजनिती क्यारियर शुरु गरेका हुन ।
नेपाली काग्रेस छाडेर २०७४ सालको स्थानिय निर्वाचनमा जसपाबाट निर्वाचित बीरगंज माहानगरपालिकाको पुर्व मेयरमा बिजय सरावगीको राजनिती सल्लाहकार भएर जसपा पार्टीमा काम गरेका थिए ।
त्यस पछी तत्कालिन बीरगंज माहानगरपालिकाका मेयर विजय सरावगीको साथ छाडेर बर्तमान बीरगंजका मेयर राजेश मान सिंहलाई २०७९ को स्थानिय निर्वाचनमा सहयोग गरेका थिए ।
दुवेदीलाई जसपाले प्रदेश सभाको सदस्यमा टिकट नदिए पछी दुवेदी अहिले पर्सा जिल्ला क्षेत्र नम्बर २ को ख बाट प्रदेश सभा सदस्यमा स्वतन्त्रबाट आफनो उम्मेदवारी दिएकाछन ।
दुवेदी बिधार्थी काल देखी नै राजनितीमा सहभागी हुदै आएपनी पटक पटक पार्टीले आफुलाई धोखा दिएको र आफु बाध्य भएर स्वतन्त्रबाट आफनो उम्मेदवारी दिएको बताउदै अहिले देश भरी स्वतन्त्रको नै हल्ला चलेको कारण आउदो मंसिर ४ गतेको निर्वाचनमा जनताले आफुलाई नै मत दिएर बिजयी गराउने उनले बताए ।
उम्मेदवार दुवेदी बीरगंज वडा नम्बर २४ रामगढवा बहुअरी निवासी हुन ।