वीरगंज १९गते
आईसिपी वीरगंज भन्सार कार्यालयको भित्रैवाट कर्मचारी, जाँचकी र एजेन्टहरुको मिलोमतोमा व्यापक रुपमा तस्करी भईरहेको छ।
बीरगंज १७ स्थित रहेको आईसिपी भन्सार कार्यालयका कर्मचारी, जाँचकी र एजेन्टहरुको मिलोमतोमा सामानहरुको मुल्यांङ्गकन कम गरी जाँचपास भै भन्सार कार्यालयवाट नै अरवौंको राजशव चुहावाट भैरहेको छ ।
जिल्ला प्रहरी कार्यालय पर्साले अवैध सामानहरु बरामद गरेको तथ्यांकले तस्करी भईरहेको प्रष्ट नै देखिन्छ ।
पर्सा प्रहरीले अढाई महिनामा वीरगंज भन्सार कार्यालय आईसिपीवाट चेकजाँच भई छुटेको भन्सारको प्रज्ञापन पत्र भन्दा बढी मालसामान भएको आशंकामा बिशेष सुराकीको आधारमा २३ वटा ट्रक र पिकप नियन्त्रणमा लिएको छ।
जिल्ला प्रहरी कार्यालय पर्साले पुस १ गते देखि पुस मसान्तसम्म ७ वटा ट्रकबाट बिलबिजक सहित ५ करोड ३४ लाख ८४ हजार ८ सय ५५ रुपैयाको प्रज्ञापन पत्र सहित नियन्त्रणमा लिएको हो।त्यसैगरि माघ १ गते देखि माघ मसान्तसम्म १३ वटा ट्रक र २ ट्याक्टरबाट ४ करोड ७७ लाख ६४ हजार ३ सय ४२ रुपैया बराबरको प्रज्ञापन पत्र सहित नियन्त्रणमा लिएको छ भन्ने फाल्गुन महिनाको १ गते देखि १५ गते सम्म पर्सा प्रहरीले ३ वटा ट्रकबाट २ करोड ४६ लाख ४४ हजार ९ सय ७६ रुपैयाको मूल्य बराबरको प्रज्ञापन पत्र र गाडि सहित नियन्त्रणमा लिई राज्शव अनुसन्धान कार्यालय पथलैया बारामा बुझाएको पर्सा प्रहरी प्रमुख एवम प्रहरी उपरीक्षक कोमल शाहले बताउनुभएको छ।
पर्सा प्रहरीले अढाई महिनामा २३ वटा ट्रक र पिक्पबाट १२ करोड ५८ लाख ९४ हजार १ सय ७३ रुपैया मुल्य बराबरको प्रज्ञापनपत्र सहित नियन्त्रण लिई राजश्व अनुसंधान कार्यालय पथलैया बारामा बुझाएको छ । आईसिपी भन्सारबाट जाचपास भै छुटेका मालबाहक गाडीबाट चेकजाच भै छुटेको प्रज्ञापत्र भन्दा बढी अवैध भन्सार छलिको आशंकामा पर्सा प्रहरीले पक्राउ गरि राजशव अनुसन्धान कार्यालय पथलैया बारामा बुझाएको हो।
प्रहरीले वीरगंज भन्सार कार्यालय आईसिपीबाट जाँचपास भई छुटेको मालसामान सहितको गाडीहरु दैनिक रुपमा भन्सार छलिको आशांकामा नियन्त्रणमा लिने गरेको छ।
भन्सार कार्यालय आईसिपीमा रहेका भन्सार कर्मचारी , जाँचकी र भन्सार एजेन्टको मिलोमतोमा आईसिपी भित्रबाट निस्केको गाडिहरुलाई प्रहरीले धमाधम नियन्त्रण लिदै आएपछि यस्ले प्रमाणित हुन्छ कि भन्सार भित्रैबाट स्थागत रुपमा तस्करी हुदै आएको छ।
भन्सारको कर्मचारीहरुले भारतवाट नेपाल आउने सामानहरु जुन सबभन्दा महगो भन्सार लागने लत्ताकपडा, स्टिलका भाडाकुडा, कस्मेटिक, ईलेकट्रोनिक, लगायतको सामानहरुको मुल्याङकन कम गरि जाँचकीहरुले एजेन्ट मार्फत अर्ब रुपैया बराबरको राजशव चुहावट गर्दै आएका छन्।
त्यसैगरि भन्सार कर्मचारीहरुले जाँचपास हुने गाडीहरुवाट मालसामानहरु मुल्यांङकन कम गरे वापत प्रति ट्रकको ५० हजार देखि १ लाख रुपैया सम्म लिने गरेका नाम नछाप्ने शर्तमा भन्सारका एक एजेन्ट बताउछन् । उता भन्सारबाट जाचपास भै छुटेको मालबाहक गाडीहरुमा बिल विजक भन्दा बढी मालसामान लोड भएको आशंकामा पर्सा प्रहरीले नियन्त्रमा लिई राजश्व अनुशंधान कार्यालय पथलैया बारामा बिहिवार गाडी बुझाउदा राजश्वका कर्मचारीहरुले गाडी नै बुझन मानेका थिएनन पछी प्रहरी प्रधान कार्यालय काठमाण्डौको दवावमा राजश्वले बुझेको प्रहरी स्रोतले जनाएको छ ।
यसरीनै भन्सारवाट जाँचकी, एजेन्ट र कर्मचारीहरुको मिलोमतोमा अर्बको रुपैया बराबरको राज्शव चुहावट हुने हो भन्ने कर्मचारी, चाँजकी र एजेन्टहरु मालामाल सरकार कंगाल हुने यस्ता गतिविधि तर्फ सम्बन्धित निकायको समयमै ध्यान जान अति आवशयक देखिएको छ।