काठमाडौं, २७ असार । फिफा विश्वकप–२०१८ अन्तर्गतको दोस्रो सेमिफाइन खेलमा बुधबार क्रोएसिया र इङ्ग्ल्याण्ड आमने सामने हुँदैछन् ।
विश्वकपको सेमीफाइनलको दोश्रो खेलमा आज इङ्ल्याण्ड र क्रोएसिया भिड्दै छन् । आज हुने खेलमा विजयी टिमले फाइनलमा फ्रान्सको सामना गर्ने छ भने पराजित टोलीले तेस्रो स्थानका लागि बेल्जियमको सामना गर्ने छ ।
 विश्वकपको मंगलबार भएको खेलमा फ्रान्सले बेल्जियममाथि जीत दर्ता गरे स“गै फाइनल प्रवेश गरेको छ । खेलको ५१ औं मिनेटमा स्यामुअल उमटीटीले गोल गरेस“गै फ्रान्सले लिएको अग्रतालाई बेल्जियमले तोड्न सकेन । बेल्जियमले खेलमा पुनरागमनको विभिन्न प्रयासहरु गरेता पनि उसका प्रयासहरु असफल बन्न पुगे । युरोपियन लिगका प्रतिभावान खेलाडीहरु रहेको बेल्जियमले फाइनलको यात्रा तय गर्न नसकेता पनि अव तेस्रो स्थानको लागि प्रतिस्पर्धा गर्ने छ । अर्कोतर्फ १९९८ को विश्वकप विजेता फ्रान्स २००६ मा विश्वकपको फाइनल सम्म आइपुगेता पनि उपाधी कब्जा गर्न असफल रहेको थियो । हालको रसिया विश्वकपमा फाइनलको यात्रा तय गरिसकेको फ्रान्स दोस्र्रो पटक विश्वकप विजेता बन्ने होडमा छ ।
आज हुने सेमीफाइनल खेलमा सन् १९६६ को विश्वकप विजेता इङ्ल्याण्डले उत्कृष्ट मिड्फिल्ड भएको क्रोएसियाको सामना गर्ने छ । आज राति ११ः४५ बजे हुने खेल इङ्ल्याण्डको लागि ५२ वर्ष पछि विश्वकपको फाइनलमा प्रवेश गर्ने मौका हो भने क्रोएसियाका लागि कु्नै पनि ठूलो अन्तराष्र्टिय प्रतियोगितामा फाइनल प्रवेशको मौका हो । इङल्याण्डका कप्तान ह्यारी केन जारी विश्वकपको सर्वाधिक गोलकर्ताको रुपमा ६ गोल गर्दै सबै भन्दा अगाडी रहेका छन् ।
२४ वर्षीय केनले सेमीफाइनलमा पनि उत्कृष्ट प्रदर्शन गर्ने अपेक्षा गरिएको छ । इङल्याण्डबाट अन्य खेलाडीहरु जोन्स स्टोन तथा डेले अली ले पनि महत्वपुर्ण प्रदर्शन गर्ने अनुमान लगाउन सकिन्छ ।
अर्कोतर्फ आजको सेमीफाइनलमा क्रोएसियाका लागि लुका मर्डिक महत्वपुर्ण बन्न सक्छन् । क्रोएसियाका कप्तान समेत रहेका मोर्डिकले जारी विश्वकपमा २ गोल गरिसकेका छन् । ३२ वर्षीय मोर्डिकले मिडफिल्डरका रुपमा जारी विश्वकपमा समूह चरणबाटै उत्कृष्ट प्रदर्शन गर्दै आएका छन् । क्रोएसियाबाट इभान राकेटिक, म्यान्ज्युकिज लगायतका खेलाडीहरुको प्रदर्शन पनि पनि महत्वपुर्ण हुने छ । त्यस्तै, क्रोएसियाका गोलकिपर सुवासिकले पनि सुरुवाति खेलहरुबाटै उत्कृष्ट प्रदर्शन गर्दै आएका छन् ।
इङ्ल्याण्ड र क्रोएसिया हाल सम्म ७ पटक आमनेसामने भएका छन् जसमा इङ्ल्याण्ड ४ खेलमा विजयी भएको छ भने क्रोएसियाले २ जीत हात पारेको छ । त्यस्तै, एक खेल बराबरीमा टुङ्गिएको छ । जारी विश्वकपमा धेरै जसो नतीजाहरु अप्रत्यासित आउदै गर्दा फाइनलको यात्रा यही टिमले  तय गर्छ भन्ने अवस्था छैन । तसर्थ, फाइनलमा कसले फ्रान्सको सामना गर्ने हो, त्यो भने भरे रातिको खेलले नै निर्धारण गर्ने छ ।